كود ـ وكالات//

الحاخام پينتو يوسف يوشياهو جاتو هاد سيمانة زْيارة ما كانتش على البال.

الرابور الأمريكي كانيي ويست “Ye” نشر فيديو الخميس بالليل، كيبان فيه وهو كيطلب السماحة والتوبة على الكلام اللي قال على الشعب اليهودي، من رئيس مؤسسة “شوفا إسرائيل”.

https://x.com/rabbi_pinto111/status/1986508883259760840?s=61

الحاخام بن يطو رحّب بكانيي ويست بحرارة، وهضر معه بكلام فيه الدين وطريق النور وقال ليه: “الإنسان ما كيتعرفش غير بالغلط ديالو، ولكن حتى بالطريقة اللي يقدر يعالج بيها أغلاطو، القوة بصح عند الإنسان هي أنه يقدر  يتوب، يتعلم، ويبني القْناطر ديال المْحبة والسْلام.”

بن يطو هو حاخام مغربي من الصويرة، عائلتو كانت معروفة بالعلم وتربانيت والدين، وحتى هو ورت هاد الحكمة حيت كيتعتبر واحد من المرشدين الروحيين  فإسرائيل والناس تيقولو بلي دعوتو مقبولة، وزيارتو مبروكة، داكشي علاش  كيقصدوه الناس من كل موضْع يتبركو بيه خصوصا  فرنسا ومريكان  والمغرب.