وكالات//

من بعد 3 شهور على الموت ديالو بطريقة مأساوية في أوطيل في الأرجنتين، دارت العائلة ديال الموسيقي البريطاني المعروف ليام باين واحد البيان كتطالب فيه بالعدالة لولدها.

وكيجي هادشي بعدما توجهات رسميا الاتهام لخمسة ديال الناس في أنهم متورطين في موت نجم “وان دايركشن”، وللي طاح من الطابق الثالث فوحد لوطيل والعمر ديالو مافيتش 31 عام.

وأكد تقرير الطب الشرعي أن الموت ديالو كانت فلبلاصة بسبب ضربات قوية بزاف دارت ليه نزيف داخلي وخارجي.

من بين المتهمين صاحبو روجر نوريس، وكيواجه روجو نوريس اتهامات بأنه تخلى على شخص في خطر وعطاه المخدرات، ودابا راه يقدر يضرب حتى 15 عام ديال الحبس.

وكيقول الادعاء العام إن  نوريس كان “مسؤولاً جنائياً” على الموت ديالو حينت تقاعس في أنه يعاونو في الوقت لي كان كيعاني فيه من التسمم والإدمان.