الرئيسية > آش واقع > بعدما تقاصو فيه طبيب وجوج فراملية وسيكيريتي.. سبيطار دالحومة تسد فمكناس
07/08/2020 12:30 آش واقع

بعدما تقاصو فيه طبيب وجوج فراملية وسيكيريتي.. سبيطار دالحومة تسد فمكناس

بعدما تقاصو فيه طبيب وجوج فراملية وسيكيريتي.. سبيطار دالحومة تسد فمكناس

عفراء علوي محمدي- كود//

عرفات “كود” من مصادر محلية أن سبيطار الحومة فحي سباتا/سراميطو تقاسو فيه طبيب وجوج فراملية وسيكيريتي بفيروس كورونا المستجد.

وحسب نفس المصادر، فقد تقرر إغلاق المستوصف لمدة 15 ليوم، حتى يتم إجراء التحاليل المخبرية لجميع المخالطين، واللي كيتكونو من المرضى اللى كيجيو للسبيطار بالإضافة للأطر الصحية اللي كتشتغل فيه، وممكن النتائج تبين على إصابة أشخاص خرين.

وتسجلات لبارح فالعاصمة الاسماعيلية 13 إصابة جديدة بالفيروس، وهكذا وصل عدد الناس اللي كيتعالجو فيها ل126، من أصل 334 إصابة سجلاتها المدينة منهار بان فيها الوباء.

موضوعات أخرى