الرئيسية > الزين والحداكة > بعدما تفارقات مع خطيبها.. جنيفر لوبيز خوات ميامي باش تعيش قريبة من بن أفليك
12/06/2021 03:00 الزين والحداكة

بعدما تفارقات مع خطيبها.. جنيفر لوبيز خوات ميامي باش تعيش قريبة من بن أفليك

بعدما تفارقات مع خطيبها.. جنيفر لوبيز خوات ميامي باش تعيش قريبة من بن أفليك

وكالات //

قررات الممثلة والمغنية العالمية جنيفر لوبيز تخوي دارها في ميامي اللي كانت ساكنة فيها مع خطيبها السابق أليكس رودريكَيز، وتمشي تعيش ف لوس أنجلوس باش تكون قريبة من حبيبها الممثل العالمي بن أفليك.

موقع “E News” المتخصص ف أخبار “البيبل” قال أن جنيفر كاتقلب حاليا على مدرسة لولادها التوام فين يقراو.

ولحد الآن مازال مقررش الكوبل يسكنو مع بعضياتهم لأن لوبيز قالت أن انفصالها على خطيبها أثر خصوصا على ولادها، وبغاتهم ياخدو الوقت الكافي اللي محتاجينو باش يولفو الوضع الجديد.

للتذكير فإن ولاد جنيفر هوما مع راجلها الأول مارك أنطوني، وبن أفليك حتى هو عندو 3 ديال الدراري مع جينفر گارنر، وبجوج كانو مصاحبين فالبدو ديال الالفايانت وتسالات علاقتهم ف 2004 .

موضوعات أخرى

29/07/2021 21:30

بوديموس واحزاب سياسية طلبو من “الكونگريسو” يحقق فـ استفادة خوان كارلوس من عمولات صفقات بيع السلاح للمغرب ودول عربية