وكالات//

تصريحات الفنانة المغربية بسمة بوسيل، طليقة ووالدة ولاد الفنان تامر حسني، حول الطلاق ديالها والمعاناة اللي عاشتها خلال زواجها معاه، مازال كيسبب الجدل على مواقع التواصل الاجتماعي فالعالم العربي، وكيستمر النقاش عليها من أيام.

الآراء تباينت بشكل كبير، حيث تعرضات بسمة لانتقادات قوية من جمهور تامر حسني، اللي اعتبرو أنها بالغت فوصف معاناتها معاه بطريقة قاسية.
ردت بسمة بوسيل على مهاجميها بشجاعة وصراحة، ووجهات رسالة فيها تساؤلات واستنكار حول الطريقة اللي كيتعامل بها الجمهور مع الرجل والمرأة فالمجتمعات العربية.

ورجعات نشرت منشور مرفوق بأغنيتها “لا ثواني” بصوتها على حسابها الرسمي في “إنستغرام”، وكتبات: “عجيب كيفاش كيطلبو من المرأة أنها تسكت باش ماتضرش صورة الرجل، ولكن مكيطلبوش من الرجل يتصرف بطريقة لائقة باش ما يكسرش قلب المرأة”.