كود سبور//

يعيش الرجاء الرياضي، حالة من الارتباك والغموض والتوتر، بسبب الوضع الكارثي اللي كايعيشو النادي تحت رئاسة عادل هالا، اللي مازال ما بغا يحط الاستقالة ديالو هو المكتب المديري ديالو ويديرو جمع عام استثنائي كيفما طالبت جماهير الرجا ومنخرطين النادي.

وبعدما قدم وعد البارح الاثنين بنهار للجماهير الرجاوية والمنخرطين من خلال تصريح لوسائل الإعلام، وقال أنه غايخرج بلاغ هو والمكتب المديري مساء نفس اليوم “غايكون فيه توضيح بخصوص المرحلة المستقبلية لنادي الرجاء الرياضي وكاين احتمال الاستقالة”، تسناو الرجاويين ليلة البارح كاملة وهما سهرانين حتى لساعات متؤخرة باش يشوفو إعلان الرئيس المذكور والمكتب ديالهم على استقالتهم، ولكن حتى حاجة من وعود عادل هالا ما طبقها، ولا هو والمكتب ديالو خرجو ببلاغ وضحو فيه المرحلة المستقبلية للنادي ولا هو والمكتب ديالو قدمو استقالتهم.

وكشفت مصادر مطلعة، أن عادل هالا ناوي يدير مع اجتماع  المنخرطين بالنادي الجمعة المقبل، بخصوص المرحلة المقبلة بالنادي، وسط مطالب من الرجاويين بالرحيل ديالو من رئاسة الرجا.