كود ـ سبور//

اقتنع الجنوب إفريقي رولاني موكوينا، بأنه ما بقى عندو ما يدير فالوداد الرياضي، في انتظار تفعيل لاتفاق بالهضرة اللي بينو بين رئيس النادي هشام آيت منا.

وحسب الإعلامي الجنوب إفريقي Micky Jnr صاحب رولاني موكوينا، فالمدرب مشى من المغرب وكاين دابا فأوروبا، وهذا الشي بعد أيام قليلة باش اتفق من هشام ايت منا على الفراق، اللي مازال ما وقعش بالوراق والإجراءات الرسمية.

للإشارة فهشام آيت منا دار صاحبو أمين بنهاشم فبلاصة رولاني موكوينا، باش يدرب الفريق خلال المرحلة المقبلة، وسط جدل كبير، واش عندو الخبرة والإمكانيات باش يدرب فريق بحجم الوداد اللي لاعب كأس العالم للأندية هذا الصيف.