وكالات//

ظهور مفاجئ ديال دّب وسط ملعب ديال الغولف ف غرب الجابون، دار ضجة، وهادشي خلاهم يوقفو الجولة النهائية من بطولة “توينفيلدز للسيدات”، اللي مخصصة للاعبات اللي باقيين ف البداية ديال المسار ديالهم، بسبب الخوف على سلامة المشاركين والجمهور.

وحسب وكالة “فرانس برس”، المنظمين ديال البطولة اللي تعتبر من الدرجة الثانية ف البلاد، قررو يلغيو الجولة الأخيرة بعدما شافو الدّب كيدور ف الملعب، وقالو أن القرار كان من أجل سلامة الجميع.

وبما أن اللاعبة رينا مايدا كانت هي اللي فالمقدمة من بعد جوج جولات، عطاوها اللقب وولات هي الفايزة. وقالت ف تصريح لموقع الاتحاد الياباني للغولف: “تفاجأت بزاف من اللي وقع، ولكن فرحانة بالنتيجة.”

هاد الحادث جا ف وقت كثرت فيه المواجهات بين الناس والدببة ف الجابون، بحيث تسجلو 219 حالة هجوم بين أبريل 2023 ومارس 2024، وماتو فيها 6 ديال الناس، وهاد الرقم هو الأعلى من أكثر من 20 عام ديال تسجيل الإحصائيات.