الرئيسية > كود سبور > بطولة العالم لألعاب القوى. اول ميدالية للمغرب برونزية.. وعرافي تأهلات لفينال 1500 متر.. اما إيكدير تقصى من دومي فينال
04/10/2019 19:30 كود سبور

بطولة العالم لألعاب القوى. اول ميدالية للمغرب برونزية.. وعرافي تأهلات لفينال 1500 متر.. اما إيكدير تقصى من دومي فينال

بطولة العالم لألعاب القوى. اول ميدالية للمغرب برونزية.. وعرافي تأهلات لفينال 1500 متر.. اما إيكدير تقصى من دومي فينال

كود سبور//

العداء المغربي سفيان البقالي تقاتل اليوم الجمعة وجاب ميدالية برونزية في نهائي سباق 3000 متر موانع، ضمن منافسات الدورة ال17 لبطولة العالم لألعاب القوى المقامة حاليا في الدوحة.

البقالي ضارب مع الكينيين والإثبوبيين باش يجيب على الأقل برونزية، خصوصا وأن السباق عرف مشاركة عدائين كبار، غالبا ما كانوا كيفوزو على العداء المغربي البقالي.

ورباب عراقي هي العداءة المغربية الوحيدة، لي مازال كتضاب مع العداءات الإثيوبيات والكينيات فبطولة العالم لألعاب القوى بالدوحة.

عراقي دارت سباق زوين اليوم الجمعة في 1500 متر، بعدما جات الثالثة وتاهلات للفينال لي غادي يكون غدا السبت، وهو السباق النهائي لي غادي تجريه، بعد نهائي 800 متر ولم تكن موفقة للصعود إلى للبوديوم.

عرافي گالت بعد سباق اليوم أنها كانت باغية تأهل الفينال باي طريقة باش تكون حاضرة فالفينال، وكتمنى تجيب المغرب شي ميدالية واخا المهمة ما غاديش تكون ساهلة.

أما العداء عبد العاطي إيكيدر فتقصا من نصف نهائي سباق 1500 متر، بعدما كانوا المغاربة كيراهنوا عليه يجيب شي ميدالية على الاقل، خصوصا أن لديه تجربة فمثل هذه التظاهرات العالمية، لكنه خيب آمالهم بعدما دار سباق سيء.

عبد العاطي إيكيدير جا هو اللخر، الشيء لي كايؤكد أنه ما قادرش يعطي أكثر، نظرا لتقدمه فالسن.

موضوعات أخرى