الرئيسية > آراء > بطل ماتش المغرب وإسبانيا: عز الدين أوناحي الجندي المجهول
09/12/2022 09:11 آراء

بطل ماتش المغرب وإسبانيا: عز الدين أوناحي الجندي المجهول

بطل ماتش المغرب وإسبانيا: عز الدين أوناحي الجندي المجهول

كود سبور//

ماشي صدفة أن مدرب إسبانيا يكون كيسول على شكون هو رقم 8 فالمنتخب المغرب، بإعجاب واستغراب من المستوى اللي قدم أمام المنتخب الإسباني.

عز الدين أوناحي ولد كازا، جرا 14,7 كلم فالماتش، أكثر من أي لاعب فالمنتخبين، قطع مسافات فجميع الخطوط وكان حاسم فأغلب النزالات اللي كيدخلهم، نقدرو نقولو أنه وإلى جانب أمرابط فازو على خط وسط برشلونة اللي يعتبر من أحس الخطوط فالعالم.

عزي الدين أوناحي ماينش دورو كيقتصر على قطع الكورة، بل كان كيجري بيها القدام وكينفس على الخطوط الخلفية، فطلعة وحدة قدر يصنع فرصة خطيرة لشديرة وكانت من الممكن تحسم المقابلة.

لويس انريكي كان كيصحاب ليه أنه عندو أكثر وسط ميدان سرعة فكاس العالم، وميقدرش يجاريه أي منتخب فالريتم، ولكن أوناحي كسر هاد القاعدة وإلى جانب صحابو حولو التحكم بالكرة لعقيم، معندو تا شي فائدة ولا معنى.

هاد الأداء غير الظاهر لولا تصريح انريكي، أوناحي بينو من نهار التحق بالمنتخب ف لا كان الأخيرة، لاعب سخي، نحلة كيما كنقولو بلغة الكرة، ممكن يكون حاسم دفاعيا بحالا ممكن يكون حاسم هجوميا كميا دار فماتش الكونغو فإقصائيات كأس العالم.

لعاب بحال أوناحي هو كنز مخفي، ماشي أي متابع للكرة ممكن يفهم الدور ديالو، وبالتالي كتلقى الأعين مسلطة على الجميع من غير هاد البطل اللي ممحتاجش يبان فكل لقطة.

عز الدين أوناحي لعاب كبير، باقي غنشوفوه ففرقة كبيرة فالمستقبل، فخر للتكوين المحلي، وفخر لهاد المنتخب.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب