وكالات//

تبارطاجا واحد الفيديو فمواقع التواصل كيوثق اللحظة اللي ناض فيها راجل كيجري للبحر فشاطئ فأستراليا، وضرب قرش بقبّة فوجهو باش يحمي مراهق كان كيتهاجم من طرف القرش.

الوقعة كانت فشاطئ كاباريتا فولاية نيو ساوث ويلز، فين قرّب الراجل من قرش الطول ديالو تقريباً 2.1 متر (7 أقدام)، وكان مخبي حدا الشاطئ، وفنفس الوقت ناس خرين جراو باش يعاونو المراهق اللي تجرح.

بالرغم من الإصابات اللي تعرض ليها الدري فذراعو اليمنى، والرجل، إلا أن الشجاعة ديال الراجل خلات القرش يبعد.

من بعد ما مشى القرش، دارو نقالة مؤقتة من لوح ديال السورف باش ينقلو المراهق للبَرّ، ومن تمّا تهز بالطائرة لمستشفى جامعة غولد كوست، وفاش وصل، الحالة ديالو كانت خطيرة ولكن مستقرة.