كود سبور//

قدرت الحكمة الدولية المغربية بشرى كربوبي، تدير بلاصتها على الساحة العالمية، بعدما فرضت راسها إفريقيا ومثلت العنصر النسوي أحسن تمثيل في وقت يعرف فيه التحكيم المغربي على مستوى الرجال تراجع كبير.

بشرى كربوبي اللي تختارت أحسن حكمة إفريقية لعام 2024، من طرف الاتحاد الإفريقي لكرة القدم، اختارها الاتحاد الدولي للتاريخ والإحصاء كخامس أحسن حكمة فالعالم لعام 2024.

وتعتبر بشرى كربوبي حاليا هي أحسن حكمة ديال كرة القدم، فالتحكيم المغربي عند العيالات والرجال بجوج.