كود -وكالات//

محكمة سورية حكمات بالإعدام غيابياً على الرئيس السوري السابق بشار الأسد، من بعد ما دانتو بتهم مرتبطة بـ«جرائم الحرب» و«الجرائم ضد الإنسانية» اللي دارها فالحرب الأهلية السورية.

هاد الحكم هو الأول من نوعو اللي كتخرجو السلطات الانتقالية فـ سوريا ضد مسؤول كبير من النظام السابق ،الأسد  هرب مع عائلتو لموسكو فـ دجنبر 2024، من بعد ما قربات القوات اللي كانت كتقودها فصائل إسلامية من العاصمة دمشق.

المحكمة تاهمات الأسد بالقتل العمد لعدد من الأشخاص، من بينهم أطفال، عاد التعذيب والاعتقال التعسفي.

ومن هاد العام، المحاكم السورية بدات كتقدم شخصيات ومسؤولين من النظام السابق للمحاكمة، سوا حضورياً أو غيابياً.

بشار الأسد، اللي  معروف بلقب «الجزار» بسبب القمع الدموي اللي كان فوقيتو ،هرب من سوريا فـ دجنبر 2024 من بعد ما طاح نظامو على يد مجموعة من الفصائل المسلحة بقيادة هيئة تحرير الشام، اللي كان كيقودها ط محمد الجولاني، واللي ولى من بعد رئيساً للبلاد.

وبحسب التقديرات النظام السوري السابق كان مسؤول على قتل 300 ألف مدني ،
ونزوح  6.6 مليون واحد من البلاد، بعدما هربو من الحرب والخوف على حياتهم.