وكالات//
دارت بسمة بوسيل، الفنانة المغربية اللي ساكنة فمصر، البوز وخلقات جدل كبير فالسوشيال ميديا، بعدما حطات مقطع من كليب جديد ديالها فـ حسابها الرسمي فـ إنستغرام.
فـ الفيديو، باينات وهي كتغني وسط قلعة صلاح الدين الأثرية فـ القاهرة، ووراه كانت باينة تصاور ديال بزاف ديال المساجد التاريخية، وهادشي خلا شي متابعين يشوفو أن هاد اللقطات فيها قلة احترام للمقدسات الإسلامية واعتبروه إساءة للمعالم التاريخية.
الانتقادات تزادت من بعد ما كتبات بسمة فـ “ستوري” وقالت: “كل ما الهوهوه تكتر حواليكي، إعرفي إنك ماشية كويس”. هاد الجملة تفهمات على أنها كتقصد اللي كينتقدوها بـ”الكلاب”، وهادشي زاد غضب الناس، قبل ما تحيد داك الستوري.
عدد كبير من المتابعين عبّرو على الغضب ديالهم، وشافو أن اللي دارتو فيه استهزاء بالمعالم الإسلامية، وحتى إساءة مباشرة للأماكن الدينية والتاريخية.
من بعد ما سكتات بسمة وما خرجاتش ترد، الأم ديالها خرجات توضيح من خلال حساب سميتو “amra.ga”، وقالت أن الكليب تصور غير داخل قلعة صلاح الدين، وماشي فـ مسجد الحسين كيفما تروّج.
وزادت قالت أن بنتها كتحترم بزاف الأماكن المقدسة والتاريخية، وأن التصوير داروه بإذن رسمي ومن بعد موافقة الجهات المعنية، وتحت إشرافها هي شخصيًا، وعبرت على الرفض ديالها لما وصفتو بـ”حملات التشويه” اللي كتستهدف بنتها.
موضوعات أخرى
البوليس فألمانيا شدو روبو بشري كيتحرش بالعيالات (فيديو)
