كود – كازا//

مصممة الأزياء المغربية بسمة بوسيل كتهتم بزاف بالتواصل مع متابعيها عبر مواقع التواصل، وكتعتبر أنشط من راجلها نجم الجيل تامر حسني، اللي ماكيتواصلش يوميا مع معجبيه بحال مراتو اللي كتنشر صورة كل نهار على الاقل وكتخلي متابعيها على علم دائم بجميع تحركاتها.

بسمة نشرات تصويرة جديدة لها، بانت فيها مريضة وعلامات التعب واضحة على وجهها، واكتفت بالتعليق: “مريضة جدا”.

وواخا مريضة، بسمة سافرت برفقة راجلها تامر حسني إلى شرم الشيخ، استعدادا للحفل اللي غادي يدير تامر تما بمناسبة راس العام 2019.