گود سبور//

غالبا غادي يقاطع جمهور الرجاء الرياضي الماتش ديال الفريق ضد الفتح الرياضي، غدا السبت فتيران القنيطرة ضمن الجولة 1 من البطولة الاحترافية لكرة القدم.

جمهور الرجاء الرياضي طالع له الدم بزاف وغاضب، حيث تم تخصيص غير 800 تذكرة لهم فماتش الخضرا ضد الفتح الرياضي، ومن الفوق فالتذاكر غايتباعو فلاكاديمي ديال الفتح فـ الرباط حسب ما كشف عليها الرجاء الرياضي، هذا الشي كامل مخلي گروبات “الكورفا سود” تتجه نحو مقاطعة الماتش ضد الفتح في انتظار الحسم بالإعلان عليها.

الماتش بين الفتح الرياضي والرجاء الرياضي مهم بزاف للفريقين، مع العلم ان كل واحد منهم عندو اهداف هذا الموسم يعني خاصهم يديرو بداية مزيانة، ولكن الرجا راه حاطين اللقب بين عينيهم وباغيين يديو البطولة.