وكالات//

عطات البحرية الميريكانية، للمثل الميريكاني الواعر توم كروز وسام كبير بزاف و”جائزة الخدمة العامة المتميزة”، وهادشي جا تقديرا للدور الكبير ديالو في تزيين صورة البحرية من خلال الأعمال الفنية ديالو.

على حساب ما جا في بيان البحرية فهاد الدور لعبو خصوصا في جوج ديال الأفلام ديالو هما Top Gun وTop Gun: Maverick.

توم كروز، لي عندو دابا 62 عام، وتشهر في العالم كامل بالأفلام ديال الأكشن ديالو عبر على السعادة ديالو بهاد الجازة.

وسلمو الجائزة وزير البحرية كارلوس ديل تورو وكان هادشي في حفل داروه في استوديوهات لونج كروس السينمائية بالنكليز.