وكالات//

عاوتاني… رجعات شائعات توتر العلاقة بين جاستن بيبر وهايلي بيبر باش تشغل الجمهور وكاينة شي هضرة على انهم غادي يتطلقو وهادشي كيجي  خاصة بعد البوسطات الأخيرة  لي دارت على وسائل التواصل الاجتماعي.

نهار الاثنين لي فات، بارطاجات هايلي في ستوري إنستغرام واحد الفيديو كيبان فيه صانع محتوى وهو كيقول: “أنت ماشي بخير، وهذا طبيعي حينت درتي قرارات لي خلاتك في بوضعيات نتا مابغيتيهاش”.

وزادت كتقول: ” كتفيق كل صباح وكتقول: يا ربي اش هاد الواقع لي صنعتو لراسي”.

هادشي كيجي في الوقت لي رجعات فيه الهضرة عاوتاني على ان العلاقة بيناتهم ماشي هي هاديك، بعدما نشر واحد المؤثر معروف فيديو كيقول فيه ان العلاقة الرومانسية بيناتهم ولات خايبة بزاف.

وفي تطور آخر، بارطاجات هايلي بوسط كيهضر على “فشل تربية الأطفال”، وهو شي لي خلا بزاف ديال الناس كيتسائلو: واش عندهم شي مشكلة في انهم يربيو ولدهم لي عندو 4 شهور، جاك بلوز بيبر؟ .