وكالات//

أعلنت هيئة الإذاعة البريطانية (بي بي سي)، نهار الاثنين، أن النجم الإنجليزي غاري لينيكر غادي يخلّي الخدمة ديالو كمقدّم برامج فـ القناة، من بعد ما يسالي برنامج “ماتش اليوم” ديال هاد الموسم الكروي.

ومن المحتمل أن لينيكر ما غاديش يكون حاضر فـ التغطية ديال “بي بي سي” لكأس العالم 2026.

الرحيل ديالو جا حتى من بعد ما اعتذر على مشاركة ديال واحد المنشور من مجموعة كتساند فلسطين، واللي من بعد مسحو من الحساب ديالو الرسمي على إنستغرام.

المنشور كان فيه صورة ديال فار، وهادشي خلا بعض الناس يتهموه بمعاداة السامية.

فواحد البيان، قال لينيكر أنه مسح المنشور فالحين وقدم الاعتذار.

وقال: “أنا عارف الخطأ اللي درت وشنو سبّب من إزعاج، وكنقدم الاعتذار ديالي مرة أخرى. التراجع دابا كيبان تصرف مسؤول. ديما كنت كنوقف مع الأقليات والقضايا الإنسانية وضد جميع أنواع العنصرية، وبطبيعة الحال حتى معاداة السامية اللي كنكرها بزاف. ما عندها حتى بلاصة وما خاصهاش تكون”.

وكان لينيكر حاضر السبت اللي فات فالتغطية ديال “بي بي سي” لماتش كريستال بالاس ضد مانشستر سيتي فـ نهائي كأس الاتحاد الإنجليزي.