كود سبور//

بداو شي جهات موالية لليهود فلالمان كيتحركو باش يفرضو على أي لاعب باغي يلعب فالبطولة الألمانية الاعتراف بدولة إسرائيل، وهذا الشي كيجي بعد قضية المغربيين نصير مزواري وأنور غازي اللي عبرو على تضامنهم مع الفلسطينيين فالصراع ديالهم مع الأسرائيليين.

وباغي ألون ماير رئيس الحركة الرياضية اليهودية مكابي فألمانيا، يتقدم بمقترح لرابطة الدوري الألماني البوندسليكا، لمناهضة الكراهية يتدار فعقود اللاعبين مع الفرق ديالهم، وهذا الشي حسب ما نشرت جريدة “بيلد” الألمانية.

الجريدة الألمانية نشرت تصريح للمسؤول على الحركة وقال فيه أن هذا المقترح اللي باغي يتقدم به الهدف ديالو، هو أي لاعب باغي يلعب فالبطولة الألمانية خاصو يعترف بإسرائيل وبالوجود ديالها، كيفما معترف به من طرف الدولة الألمانية.

للإشارة، راه نادي ماينز الألماني جراو على أنور غازي الهولندي من أصول مغربية حيث عبر على التضامن مع الفلسطينيين ضد الإسرائيليين، وبالمقابل تفهمو بايرن ميونخ الألماني موقف ونوايا الدولي المغربي نصير مزراوي من التضامن مع الفلسطينيين وأنه ما عندو علاقة بالتطرف أو دعم لحماس.