وكالات//
وجهو العلماء تحذير للناس اللي كيمشيو للشواطئ فميريكان، وقالو ليهم ياخدو الحيطة ملي كيدخلو يعومو، حيث كيقرب من السواحل ديال الشمال الشرقي فالصيف واحد القرش أبيض كبير سميتو “كونتيندر”.
وحسب جريدة “ميرور”، كانو بداو كيتبعو كونتيندر اللي كيبلغ الطول ديالو 4.2 متر من يناير 2025، بعدما دارو ليه واحد الجهاز ديال التتبع من طرف مؤسسة “أوشيرتش” اللي كتخدم فمجال البحث على الكائنات البحرية الكبيرة.
ومن داك الوقت اللي طلقوه فيه حدا سواحل فلوريدا وجورجيا، دار كونتيندر مسافة كبيرة بزاف وصلت لـ3009 كيلومتر. ومورا ما تقطعات الإشارة عليه لمدة ديال شهر تقريباً، بان مرة أخرى فـ7 يونيو حدا منطقة “بامليكو ساوند” فولاية نورث كارولاينا.
وجون تايمنسكي، اللي خدام كعالم بيانات فمؤسسة “أوشيرتش”، قال باللي الاحتمال باش يبان هاد القرش حدا شواطئ عامرة بالناس راه ضعيف، ولكن راه ممكن، حيث القروش البيض كيتبعو الطرائد ديالهم بحال الحوت والفقمات، وهاد الطرائد بعض المرات كيقربو من البلاج، وهادشي اللي كيخلي القروش يقربو حتى هوما لمناطق السباحة.
موضوعات أخرى
