وكالات//

دخل واحد القرد لمحطة فرعية ديال توليد الضو، وتسبب فاضطراب التيار الكهربائي فبزاف ديال المناطق فجزر سيريلانكا، نهار الأحد، حسب ما قالو المسؤولين.

الانقطاع بدا تقريبا مع 6:00 ديال الصباح بتوقيت غرينيتش، وما رجعش الضو كامل حتى دازت اكثر من 3 ساعات.

وزير الطاقة كومارا جاياكودي قال للصحافيين: “دخل قرد فمحول ديال الشبكة ديالنا وسبب فمشكل فالنظام”، وقال إن الحادثة وقعات فواحد الضاحية فجنوب العاصمة.

ومن بعد ما رجع الضو فبعض المناطق، ما تْعْرَفش حتى دابا شحال غادي يستمر الانقطاع.

وقال الوزير: “المهندسين خدامين باش يرجعو الخدمة في أقرب وقت ممكن”.

السريلانكيين اضطروا يتحملو الانقطاع ديال الضو فالصيف ديال 2022 مع الأزمة الاقتصادية اللي كانت فبلادهم.

المازوط وليسانس سالاو من محطات الوقود، وهاد الشي خلا محطات الطاقة الحرارية تقنن الكهرباء لـ13 ساعة فاليوم.