وكالات//

فخطوة قانونية مثيرة، رفع شون “ديدي” كومبس دعوى قضائية ضد NBCUniversal و Peacock  وAmple Entertainment فـ 12 فبراير 2025 بسبب فيلم وثائقي سميتو “Diddy: The Making of a Bad Boy” اللي تْعرض مؤخرًا.

فهاد الدعوى، كيتهم ديدي الفيلم بتشويه سمعتو من خلال تقديم مزاعم خطيرة وماعندهاش أساس من الصحة، من بينها القول بأنو هو اللي قتل حبيبتو السابقة كيم بورتر، وزايد عليها مزاعم عن الاعتداء الجنسي، والاتجار بالجنس.

وقالت إيريكا وولف، المحامية ديال ديدي، فبيان لصحيفة “ميرور”، بأن “شركات الإنتاج دارت قرار باش تستخدم الأكاذيب والتضليل الإعلامي بهدف جني الفلوس على حساب الحقيقة”.

وزادت وقالت بأن التصريحات اللي استعملها الفيلم كانت مبنية على مصادر غير موثوقة، بحال آل بي شور، اللي كان عندو ضغائن شخصية ضد ديدي.

الدعوى كذلك تطرقات لتصريحات المحامية ديال أرييل ميتشل اللي دارو شكوك حول سبب وفاة كيم بورتر، وهاد الشي زاد فإثارة الجدل حول القضية.