وكالات//

السلطات البريطانية شدّات تيكتوكَر معروف بلقب “العم J1” من بعد ما نشر سلسلة ديال الفيديوهات اللي بان فيهم كيغنّي وكيغوّت حدا الركّاب فـ مترو لندن.

فالفيديوهات اللي دار فـ حسابو فـ “تيك توك”، بان العم J1 كيغنّي بصوت عالي، وكانت حداه مرا لابسة قميجة خضرا، اللي ناضت بسرعة من الكرسي ديالها من بعد ما بدا كيغوّت.

وفي فيديو آخر، بقى كيغنّي وكيقول: “آ خويا، الراجل برا، فهمني، الراجل هنا باش يونسكم”، ومن بعد زاد وغنّى “حبيبتي، كنحبك”.

https://www.tiktok.com/@j1comedybackup?referer_url=www.eremnews.com%2Fentertainment%2F15udt7j&refer=embed&embed_source=121374463%2C121468991%2C121439635%2C121749182%2C121433650%2C121404359%2C121497414%2C121477481%2C121351166%2C121811500%2C121896267%2C121860360%2C121487028%2C121331973%2C120811592%2C120810756%2C121885509%3Bnull%3Bembed_masking&referer_video_id=7565118381318343958

البوليس تفاعلو بسرعة مع هاد المقاطع، وقال كريس كيسي، اللي هو كبير المفتشين فـ شرطة النقل البريطانية: “هاد السلوك ما مقبولش، وبدّينا تحقيق فالحين، وتمّ القبض على الشخص من بعد ما توصلنا بتبليغ على الفيديوهات.”

وبالنسبة للعم J1، اللي كيتبعوه عشرات الآلاف فـ “تيك توك”، قال باللي الفيديوهات كانو غير محاولة باش يضحّك الناس ويدير بحال بعض صانعي المحتوى الآخرين، وزاد فـ واحد الفيديو آخر وقال: “كنت غير كنضحك، ما كانش قصدي نأذي حتى واحد”، وأوضح أنه ما كانش متعمّد يتبع أو يضايق السيدة اللي كانت فالفيديو.