وكالات//

شعلات عافية كبيرة فجنوب شرق جزيرة كريت، وبالضبط قرب بلدة إيرابيترا، وهادشي خلا السلطات تدير عمليات إجلاء واسعة شملت فنادق وديور كاملة.

وحسب ما نقلاتو وكالة الأنباء الألمانية (د ب أ)، الخميس 3 يوليوز، على لسان السلطات المحلية، النيران تمدّات بسرعة كبيرة بسبب الرياح القوية اللي بدات كتضرب المنطقة من نهار الأربعاء، وهادشي خلا السيطرة على الحريق تقريباً مستحيلة حتى الآن.

وقال جيورجوس تسامباكيس، اللي مسؤول على الوقاية المدنية فالمنطقة، فتصريح لقناة “ERT News” اليونانية: “حوّلنا حوالي 1500 شخص لفنادق أخرى وصالات رياضية فبلايص أكثر أمان”، وأكد أن الخطر باقي ما سالاش، حيث العافية مازال كاتقدّم وسط ظروف مناخية معقّدة.