وكالات//

كتسنا ميغان ماركل، مرات الأمير هاري بفارغ الصبر موعد الخروج ديال الفيلم الوثائقي الجديد ديالها With Love Meghan لي غادي يبان في نتفلكس.

وباش تروج للفيلم ديالها لي غادي تجيب فيه صحابها والمعارف ديالها وكتهضر فيه على فن العيش ديالها، دارت ميغان بوسطات على انتستغرام.

ولكن بزاف ديال لي فان ديالها كعاو بزاف حينت محالاتش الكومونطيرات وحتى الهاشتاغ لي دارت ديال With Love Meghan مابانش بزا.

https://www.instagram.com/reel/DEVSsNfymUD/?utm_source=ig_embed&ig_rid=01c3846e-bd5a-45e5-8985-079f60f98832

من بعد دار انستغرام واحد البيان كتقول فيه ان هادشي جا بسبب خطأ تقني في الاعدادات دارتو ميغان ماركل وهو شي  لي خلا هاد المشكل يوقع ليها.

وكتواجه ميغان ماركل هجمة شرسة من بزاف ديال النكالزة وحتى من خبراء مقربين من العائلة الملكية، بسبب هاد الفيلم ديالها، وكيقولو انه بعيد على الواقع في الوقت لي بزاف ديال الناس كيعانيو من مشاكل مالية.