وكالات //

رجع اسم الرئيس الأمريكي دونالد ترامب يتداول من جديد، ولكن هاد المرة بسبب أمور صحية، من بعد ما تصاور جديدة تصوّرات ليه فواحد النشاط رسمي فـ البيت الأبيض خلات الناس يتسائلو على طفح جلدي باين فالعنق ديالو، وزيد عليها الكدمات اللي مازال كيبانو فـ يديه.

وخلال حفل تكريم بميدالية الشرف فالبيت الأبيض نهار 2 مارس، بينات الصور بقعة حمرا كبيرة ومعها شوية تقشّر فالجهة اليمنى من عنق ترامب، وواصلة من ورا ودنو حتى لخط الشعر من اللور، وهدا خلا التساؤلات على الحالة الصحية ديالو ترجع من جديد.

طبيب البيت الأبيض، الدكتور شون باربابيلا، وضّح فتصريح لمجلة People بلي الرئيس كيستعمل كريم معروف فالجهة اليمنى من عنقو كإجراء وقائي للبشرة، وأكد بلي العلاج مستمر هادي سيمانة، وأن الاحمرار يقدر يبقى لعدة أسابيع، بلا ما يكشف على السبب الطبي الدقيق اللي تخلاه يتوصف ليه هاد العلاج.