وكالات//

تشد برازيلي سميتو البيرتو داسيلفا في الحبس عام 2020 ودوز 3 سنين، من بعد ما تاهموه بانه دار 62 جريمة كلها، وهو شي لي تراجعات عليه المحكمة اليوم بعدما اعتارفات بانها دارت خطأ كبير بزاف.

على حساب مقال تقرير ديال جورنال “الغارديان” البريطاني، فلي خلا السلطات تحكم على هاد السيد هو ان الضحايا قالوا انهم تعرفو عليه من خلال التصويرة لي دايرها في البروفيل ديالو في فيسبوك.

ولكن جهات حقوقية في البرازيل قالت ان هاد الخطأ الكبير عندو علاقة بالعنصرية ضد السود في البرازيل ولي ديما كيكونو ضحايا هاد الاحكام الجائرة.

وواخا هكاك مبرآتش المحكمة كوستا من كاع التهم، حينت 10 ديال التهم مازل موجهة ليه.

وقبل هادي عام عتارفات المحاكم البرازيلية انها صدرات أكثر من 300 حكم جائر واغلبها ضد الناس لي من السود.