وكالات//

من بعد تصريحات مثيرة للجدل من كانييه، اللي ولات معروفة دابا باسم “يي”، واللي كانت تصريحات فيها معاداة للسامية وداعمة للأيديولوجيات النازية، كيم كارداشيان علنات أنها غادي تشدد الزيارات ديال كانييه لولادهم بشكل أكثر صرامة.

وكان كانييه نشر مؤخراً تصريحات مسيئة على “إكس”، كيأيد فيها الأيديولوجيات النازية، وكيعتبر هتلر “ملهم”، وزيادة على هاد الشي، دار تصرفات خلات غضب كبير على السوشيال ميديا، وكاع ما وقفش عند هاد الحد، طرح تيشرت فيه رمز الصليب المعقوف للبيع فموقعه Yeezy، واللي زاد الطين بلة.

وبعد هاد التصريحات، كانييه خسّر الوكالة ديال التمثيل اللي كانت خدامة معاه، وسد السيت ديالو الإلكتروني.

كيم كانت عبرات على استياء كبير من تصرفات راجلها السابق، وكتعتبر أنه هاد المرة تجاوز الحدود.

دابا، مع تصاعد المواقف، كتشوف كيم كارداشيان أن تصرفات كانييه ولات تهديد على الصحة النفسية ديال ولادهم ورفاههم.

وبحسب المصادر، كيم فالأول كانت كتسكت على تصرفات كانييه الغريبة وكتشوف أنه محتاج مساعدة نفسية، ولكن دابا، مع تطور الأمور، كتعتقد أن الوقت جا باش تاخد إجراءات لحماية الأطفال.