كود – كازا ///

ف فبراير الفايت، تم إلقاء القبض على رجل مغربي كيبلغ من العمر 71 عاما ف برشلونة وتم احتجازو في سجن بريان. وكان من المقرر باش يتسلم إلى فرنسا لقضاء عقوبة السجن لمدة 10 سنوات. هاذ الشي اللي وقع ليه جا بسبب تشابه الاسم ديالو مع “مافيوزي” مطلوب لدى العدالة الفرنسية..

دابا واخا عرفو أن القضية فيها خطأ بعد ما دوز 10 أيام في الحبس، حسب جريدة إل بيريوديكو، باقي المهاجر المغربي ما قدرش يرجع عند عائلتو بسباب خضوعو لإجراءات قضائية تمنعه من العودة إلى منزله للاحتفال بشهر رمضان، حيث لم تبت المحكمة الوطنية بعد في الاستئناف اللي يعفيه من جميع المسؤوليات الجنائية.

ووصل المعني بالأمر إلى مطار إلبرات ببرشلونة ف 18 فبراير الفايت على متن رحلة جوية قادمة من الناظور. وتشد بسباب تطابق الاسم ديالو مع مافيوزي موضوع مذكرة اعتقال دولية بحق مجرم مطلوب في فرنسا بتهمة تهريب الأسلحة والمخدرات.