وكالات //

خداو الإخوة ياسر جلال ورامز جلال إجراءات قانونية ضد الفنان المصري أحمد ماهر، بسبب فيديو فيه إساءة لباهم، المخرج المسرحي الراحل جلال توفيق.

المحامي أشرف عبد العزيز، اللي هو الوكيل القانوني ديالهم، قال فبلاغ رسمي باللي كيتابع التحقيقات اللي دايرة دابا داخل نقابة المهن التمثيلية بخصوص هاد القضية، وهاد الشي تمهيدًا باش يتّخذو الخطوات القانونية اللازمة ضد داكشي اللي جا فالفيديو المتداول، وكيتشدّد فملاحقة حتى الناس اللي شاركو فتصويرو ولا نشروه.

وفنفس السياق، أعلنت نقابة المهن التمثيلية تضامنها مع عائلة الإخوة، وعبّرات على الاعتذار ديالها على الإساءة اللي كانت فالفيديو، وأكدات أنها حوّلات الواقعة لتحقيق عاجل باش يتّخذو الإجراءات القانونية اللازمة حسب القوانين واللوائح ديال النقابة.