گود سبور//

غادي المشكل بين رئيس الكوكب المراكشي إدريس حنيفة، ومدرب الفريق هشام الدميعي غادي وكايتطور وهذا الشي قبل أيام قليلة من ماتش الفريق ضد الوداد الرياضي ضمن الدورة 16 من البطولة الاحترافية.

وبعدما خرج إدريس حنيفة ببلاغ قال فيه ان هشام الدميعي سبو وعيرو ملي عيط له باش يقوله خاص الكار د الفرقة يدوز لسطاسيون يدير المازوط باش يشدو الطريق للفقيه بنصالح يلعبو كاس العرش، قرر المكتب المسير د الكوكب احالة المدرب الدميعي على لجنة الاخلاقيات التابعة للنادي.

والهدف من هذا الإجراء ديال مكتب الكوكب تجاه المدرب الدميعي هو اتخاذ الإجراءات اللازمة فهاد المشكل اللي واقع بين المدرب والرئيس.

ولاعبين الكوكب المراكشي السبت الجاي مع الوداد الرياضي فمراكش ضمن الدورة 16 من البطولة الاحترافية، وهذا الشي يقدر يأثر على الفريق فهاد المباراة المهمة.