وكالات//

صدم المغني نيك جوناس، جمهورو لي كان حاضر في الحفلة ديالو لي كانت في التشيك بعدما غادر المسرح في وسط الحفلة.

وعلى حساب مقالت بزاف ديال التقارير الصحفية ف القرار ديال نيك، جا بعدما كانو كيضربوه بالليزر على راسو في الحفلة لي كانت في قاعة O2 Arena بمدينة براغ.

واضطرات الفرقة أنها توقف الحفلة ديالها لدقائق بعدما خبرات المنظمين أنهم كيتضررو من الليزر.

وكيبان في واحد الفيديو تبارطاجا على السوشيال ميديا اللحظة لي غادر فيها المسرح، ودار إشارة بيديه زعما بحال “وقت مستقطع”.

ومن بعد أكدات اللجنة المنظمة أن الحفل رجع كمل عادي، بعدما توقف الجمهور استعمال هاد الليزر لي ممنوع في المسارح.