كود اكادير//

هاد العام على عكس العادة مكانش اقبال كبير فالسفر لتمازيرت من قبل السواسة كيفما عاينات “كود” فنواحي تافراوت وتزنيت حيث ان السواسة لي كانو معروفين بالسفر لمسقط الرأس تراجع بزاف.

وحسب مصادر گود فسبب العزوف عن السفر لمناطق مختلفة من طرف سواسة جا بسبب قلة ايام العطلة حيث الناس خدامين الاربعاء و الخميس وحتى الدراري قاريين.
گود هضرات مع واحد من ابناء المنطقة  لي فضل يدوز العيد فكازا عوض تمازيرت (البلاد) نواحي تارودانت وقال ان الغلاء و الدراسة ديال ولادو خلاوه مايسافرش فعطلة العيد ، وقال انه قرر يعوض السفر فالعيد بالصيف.

من بين الأسباب كذلك لي خلاو الناس مايجيوش لسوس ان الجالية المغربية بالخارج حتى هوما مزال مادخلوش كيفما هو ملاحظ على عكس السنوات الماضية لي كان العيد كايجي فيهم مع الصيف.