وكالات//

فلتات بزاف ديال الطيارات في الأردن من كوارث جوية جديدة، بعدما ماقدراتش تهبط في المطار بسبب الضباب لي كان كثير بزاف.

وبينات بزاف ديال الفيديوهات لي بارطاجاوها في السوشيال ميديا  هبوط طائرة تابعة للخطوط الجوية الملكية الأردنية في “مطار ماركا” في شرق العاصمة الأردنية عمّان، بلاصت ما تهبط في مطار الملكة علياء الدولي جنوبي العاصمة، لي كانت هي الوجهة الرئيسية ديالها.

وعلقات  هيئة تنظيم الطيران المدني في الأردن على هدشي وقالت ان  تأخير هبوط الطيارات في مطار الملكة علياء،  كان نتيجة تشكل الضباب الكبير بزاف في أجواء المطار.

وقالت ان هاد الوضع استمر لساعتين من الزمن وهو شي لي خلا بزاف ديال الطيارات يهبطو في “مطار ماركا ومطار الملك حسين في مدينة العقبة، جنوب الأردن