وكالات//

15 واحد تصابو بجروح مختلفة، فمدابزة كبيرة فمدينة ملاطية فالجنوب ديال تركيا، لي شارك فيها العشرات بسبب خلاف على الشخير فالنعاس.

وقعات المدابزة فنهار فوسط المدينة، وتَشَابك حوالي 60 عامل بالعصي والحجارة، وهادشي خلى البوليس يتدخل بقوة.

وسائل الإعلام المحلية قالت بأن المدابزة كانت نتيجة لخلاف بدا فالليل بسبب شخير واحد من العمال لي كان كيزعج الناس لي ساكنين معاه في نفس الغرفة.

فديك الليلة، الخلاف ما كبرش، ولكن فظهيرة اليوم الموالي، تحولات الأمور بشكل كبير، وشاركو العشرات فالمعركة باش يساندو طرف من أطراف المشاجرة لي تطورات حتى ولات مضاربة كبيرة.