وكالات//

الرئيس إدغار بايز ديال نادي تيغرس الكولومبي ديال الكورة قتلوه بالقرطاس حيت الفريق ديالو خسر الماتش لي كانو لاعبين نهار السبت لي فات.

وسائل إعلام محلية قالت أن من مورا ماسالا الماتش وخسرو بـ2/3 مع أتليتيكو، بايز كان فطوموبيلتو هو وبنتو راجعين لدار، حتا خرجو ليه جوج حدا التيران كانو راكبين فموطور وقتلوه.

بنتو ماوقع ليها والو، ولكن هو مات فالبلاصة، والسلطات بدات كتحقق فالحادث، والنادي قال فبيان أن عائلة تيغرس والمجتمع الرياضي مصدومين من هادشي لي وقع، والفرق غديا دير دقيقة صمت باش يترحمو على بايز فجوج ديال الجولات لي بقاو.