كود ـ كازا//

قال موقع ” فام دي ماروك ” بللي بزاف ديال المغربيات اللي كيخرجو يقراو برا  كيفضلو يبقاو تما ويتغربو ومايرجعوش للمغرب.

وأوضح الموقع الناطق بالفرنسية أنه كاينين قيود اجتماعية وتغيير فالعقليات اللي كيخنقو المرأة، الشي اللي أكدوه مغربيات ومغربين فتصريحاتهم للموقع.

كتقول زينب، 25 عام، خدامة فلندن: “هنا أنا مرتاحة”. “وخا صعيب نعيش بعيدة على عائلتي، ولكن منادماش.. “أنا هنا فحالي فحال الراجل”.

وكتقول عائشة، 25 عام عايشة فبرلين: “أنا هنا مرتاحة كا امرأة فألمانيا”.

نقدر نخرج فأي وقت، “بلا مانهز الهم لشنو لابسة”، مضيفة، اللعنة: “فالمغرب، فالشارع حنا فريسة… “تصفار، تحنزيز، يلوحو هضرة خايبة ويوقفوك ويعايروك ويتبعوك…

وأشار الموقع للثغرات اللي كاينة فالقانون المغربي اللي كتظلم المرأة على الرغم من إصلاح المدونة ف2004، واللي حتى هي سبب فهجرة المرأة المغربية، وفهاد الإطار كتقول حسناء، 22 عام، مقيمة فإيطاليا: “فالمغرب إلى تطلقنا وبدينا حياتنا مرة أخرى، الطليق عندو ديما سلطة علينا، يقدر ياخد لينا ولدنا ولا بنتنا فأي لحظة وبالقانون …

وأضافت حسناء مشيرة لمسألة الإجهاض فالمغرب “العام الفايت بقيت كنفكر غير فمريم اللي عندها 14 عام، اللي  تغتاصبات وحملات وجهضات فظروف خايبة وماتت لأن الإجهاض ممنوع فالمغرب حتى فحالات الاغتصاب