وكالات//

غادي يكون على روزي هدسون، وهي امراة بريطانية من مدينة ديربي، تدفع غرامة مالية كتفوت 2000 دولار أمريكي بسبب أنها تعطلات باش تخلص الباركينغ 5 دقائق.

وفرضات شركة ديال الباركينغ الغرامة حينت السيدة فاتت المهلة المسموح بها للخلاص، ولي مكتفوتش 5 ديال الدقائق.

من جهتها، رجعات هدسون سبب تأخير الخلاص في الوقت القانوني لمشكل ديال الريزو في التيلفون ديالها.

وتصدمات هاد السيدة لي جاوها بزاف ديال الميسجات من بعد كتقول ليها أنها تعطلات في الأداء، وخاصها تخلص الغرامة، وبعد ايام بدات كتزاد ليها الغرامة حتى وصلات لـ2000 دولار لي هي تقريبا 2 ديال المليون مغربية.

القضية ديال هدسون تحولات لقضية رأي عام في النكليز، حينت بزاف ديال الناس عبرو على الغضب ديالهم من هاد شركة الباركينغ لي كتفرض على الناس غرامات ثقيلة.