كود سبور//

غايعطيو ريال مدريد الإسباني، الفرصة للاعبين الشباب بسبب الإصابات اللي كايعاني منها الفريق، ومن بين اللعابا اللي غايستافدو الظهير الأيسر المغربي يوسف لخديم.

وحسب جريدة “ماركا” الإسبانية، فالمدرب كارلو أنشيلوتي، لجأ إلى اللاعبين الشباب من ليسبوار ريال مدريد، ومن بينهم يوسف لخديم، وناوي يلعب شي وحدين فيهم أساسيين ولأول مرة مع الفريق الأول، وهذا الشي فالماتش الجاي ضد سيلتا فيگو ضمن منافسات بطولة الصبليون، بسبب الإصابات اللي كايعانيو منها ريال مدريد.

يوسف الخديم مول 19 عام، واللي فضل يلعب مع المنتخب المغربي على أنه يلعب مع الصبليون، هو ولد ريال مدريد، والمتتبعين ديال مدرسة النادي كايتسناوه يكون لاعب كبير فالمستقبل.