وكالات //

غادي تلغي سلسلة مقاهي “ستاربكس” 1100 بوسط إداري وتنظيمي فإطار عملية إعادة هيكلة باش ترجع تسجل نمو فالمبيعات ديالها، هاد الشي قالو الرئيس التنفيذي الجديد براين نيكول نهار الاثنين.

قال نيكول فرسالة للموظفين إن الشركة غادي دير “قرار صعيب بإلغاء 1100 وظيفة فخدمة الدعم، بالإضافة للمئات من الوظائف المفتوحة والشاغرة”.

هاد الخطوة ما غاديش تأثر على الموظفين اللي كيديرو التحضير د القهوة والمعروفين بـ”باريستا” ف”ستاربكس”.

الشركة كانت كتوظف حتى شتنبر 2024، 361 ألف خدام، منهم 16 ألف فمناصب إدارية ودعم.

انضم نيكول لـ”ستاربكس” فشتنبر 2024 فإطار سياسة تغيير القيادة، فاش كانت السلسلة كتعاني من تراجع فالمبيعات.