وكالات//

لقات الممثلة الميريكانية المعروفة سوزان سارندون راسها وسط واحد الحملة كبيرة فبلادها، بسباب واحد التصريح ديالها على اليهود، وصلات لحد أنهم كيتاهموها فيها بمعاداة السامية.

الممثلة الميريكانية لي تشهرات ببزاف ديال الأعمال ديالها، قالت فواحد المظاهرة دارت في نيويورك أن “بزاف ديال الناس دابا خايفين يقولو أنهم يهود”.

ماشي غي هاد التصريح بوحدو لي خلا بزاف يتاهموها بمعاداة السامية، فعلى حسب ماقالت بزاف ديال التقارير شافوها الناس كتغوت “من النهر الى البحر” في مسيرات كتدعم فلسطين.

وهاد الشعار بالضبط كيشوفوه بزاف ف ميريكان والغرب بأنه معاداة للسامية.