گود كازا //

من بعد مقال “گود” على التكوين المستمر فجامعة الحسن الاول بسطات وتحديدا المدرسة الوطنية للتجارة والتسيير، ولي بانت فيها تحويلات مالية لشركة معرفو الناس اشناهو الدور ديالها فهاد التكوين المستمر ما دام الناس كيقراو فالمدرسة ماشي فالشركة، الوزير عبد اللطيف الميراوي وزير التعليم العالي والبحث العلمي والابتكار صيفط ناسو لجامعة سطات.

وكشفات مصادر “گود” ان المفتشية العامة التابعة لوزارة التعليم العالي والبحث العلمي والابتكار جات لجامعة الحسن الأول فسطات، باش تحقق فقضية التكوين المستمر.

وتصنتات المفتشية للمسؤول الاول فالمدرسة لي هو المدير عبد الصادق الصادقي ومعه مسؤولين اخرين على التكوين المستمر.

مصادر “گود” اكدات ان المفتشية توصلات من قبل ب28 ملاحظة من قضاة المجلس الاعلى للحسابات على المدرسة ككل بالخروقات لي فيها.