الرئيسية > آش واقع > بسباب قرارات مندوب الإنعاش الوطني فبوجدور.. عدد من السكان كيهددو بالاحتجاج فالشارع
06/12/2021 18:30 آش واقع

بسباب قرارات مندوب الإنعاش الوطني فبوجدور.. عدد من السكان كيهددو بالاحتجاج فالشارع

بسباب قرارات مندوب الإنعاش الوطني فبوجدور.. عدد من السكان كيهددو بالاحتجاج فالشارع

محمود الركيبي – كود //

واخا المتحور الجديد ديال فيروس كورونا “أميكرون” كيهدد البلاد والعباد مع ما سببته الجائحة من أضرار اقتصادية واجتماعية مختلفة، لازالت مندوبية الإنعاش الوطني ببوجدور تواصل سياسة الآذان الصماء تجاه مطالب الساكنة المحلية ومن أبرزها إعادة التحقيق في ملفات الكارطيات التي استولى عليها بعض موظفي المندوبية قبل سنتين، حسب ما ذكره متتبعون للشأم المحلي ببوجدور.

مصادر “كَود” قالت أن الساكنة استبشرت خيرا بالمندوب الجديد، ولكن غير باش تعين مباشرة “ضرب الطم على الخروقات وسرقة الكارطيات وناض كايستدعي المواطنين، قاليك أسيدي درنا نظام جديد باش نعرفو اللي كايتخلص عندنا ونسى باللي كلشي مسجل عندو أصلا فالسيستيم بالصورة والسمية و كل المعطويات الشخصين للمعنيين من رقم لاكارط وعنوان السكن وحتى شهادة الحياة”، تضيف المصادر نفسها.

هاد المصادر قالت باللي “مايمكنش يستمر هذا النوع من العبث والقرارات العشوائية فحق المواطنين فمدينة بوجدور، وخصوصا منهم الطبقة الهشة، واللي كاتستافد من دعم الكارطيات اللي عطاهم سيدنا الله يرحمو الحسن الثاني لسكان الصحراء”.

ومن الممكن أن تؤدي هذه القرارات الفجائية، بحسب إفادات مواطنين من بوجدور، إلى تنظيم تظاهرات للمتضررين وأصحاب “الكارطيات المنهوبة” أمام المندوبية وفي الشوارع تاع بوجدور في الساعات المقبلة.

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين