وكالات//

دخل طفل عندو 11 عام من مدينة “تشانغشا” فالصين للمستشفى، بعدما قضا 14 ساعة متواصلة كيحاول يدير فروضو المدرسية تحت مراقبة والديه.

وحسب موقع “أوديتي سنترال”، الطفل اللي سميتو “ليانغ ليانغ” بدا يقرا من الثامنة صباح وكمّل حتى للعاشرة ديال الليل، بلا ما ياخد حتى راحة.

مع الحادية عشر ديال الليل، بدا كيحس بمشاكل بحال ضيق فالتنفس، الدوخة، صداع فالرأس، وتنميل فالأطراف، وداوه والديه بسرعة للمستشفى. منين فحصوه الأطباء، قالو باللي عندو ضيق فالتنفس جا من الضغط النفسي الزايد.

الأطباء وضحو أن الحالة ديالو كانت بسبب تنفس سريع وعميق بزاف، وهو رد فعل طبيعي ديال الجسم فحالة التوتر الكبير، وهادشي خلا توازن الأوكسجين وثاني أوكسيد الكربون يختل فالجسم ديالو.

وهاد النوع من الحالات يقدر يسبب أعراض بحال ضيق فالصدر، صعوبة فالتنفس، دوخة، وتنميل فبعض المناطق فالجسم. وفالحالات الخطيرة، يقدر يوصل حتى لتشنج عام فالجسم ولا ما يُعرف بـ”يدين الدجاجة”، بحيث كيولي صبعان اليدين مشنجين. وإذا ما تداواتش الحالة بسرعة، تقدر تولي خطيرة على الحياة ديال المريض.