الرئيسية > كود سبور > بسباب ضغط الرجاء.. العصبة أجلات ماتش الزمامرة بعد تدخل لقجع
23/02/2020 08:50 كود سبور

بسباب ضغط الرجاء.. العصبة أجلات ماتش الزمامرة بعد تدخل لقجع

بسباب ضغط الرجاء.. العصبة أجلات ماتش الزمامرة بعد تدخل لقجع

كود سبور//

فريق الرجاء البيضاوي توصل بمراسلة رسمية من العصبة الاحترافية كتأكد تأجيل الماتش ديالو كونتر نهضة الزمامرة برسم الدورة 17 من منافسات البطولة، بعدما كانت مقررة غدا الاثنين.

العصبة الاحترافية رضخات لضغط الرجاء البيضاوي وأجلات الماتش إلى موعد لاحق، وذلك حتى يتمكن الفريق الأخضر من التحضير الجيد الماتش ديالو كونتر مازيمبي الكونگولي نهار الجمعة المقبل بملعب مركب محمد الخامس في الدار البيضاء، ضمن ذهاب ربع نهائي دوري أبطال إفريقيا.

وكشفت مصادر “كود” أن فوزي لقجع، رئيس الجامعة هو اللي تدخل باش توصلات العصبة الاحترافية لحل مع إدارة الرجاء، ليتقرر في نهاية المطاف تأجيل ماتش الزمامرة إلى موعد لاحق.

موضوعات أخرى