كود – كازا ///

انتشر بزاااف خبر دهس مهاجر مغربي من طرف سيدة أعمال إيطالية على منصات التواصل الاجتماعي، بسبب الفيديو المرفق بالخبر واللي بين كيفاش سيدة أعمال طاليانية دهسات مغربي 4 ديال المرات ونزلات خذات صاكها وركبات طوموبيلتها ومشات بحالها.

هاذ الشي كامل بسباب تورط الضحية اللي كيبلغ من العمر 65 عام ف الشفرة ديال صاكها. ويكشف الفيديو عن انتقام المتهمة من الضحية اللي مات متأثرا بجراحه الخطيرة. سيدة الأعمال سينزيا دال بينو، خرجات من طوموبيلتها (مرسيدس رباعية الدفع) وصدمات الضحية بأقصى سرعة، وبقات كتدوز وكترجع بطوموبيلتها فوق جثة المتهم 4 ديال المرات.

وبعد وصول المسعفين إلى مكان الحادث، تم نقل الضحية إلى المستشفى. وتم القبض على المتهمة اللي معروفة فمدينة فياريجيو الساحلية الإيطالية، للاشتباه ف ارتكابها جريمة قتل غير متعمد، ثم أطلق سراحها، وتم إخضاعها لتدابير الإقامة الجبرية.

وقالت المتهمة خلال استجوابها، أن الضحية شفر ليها صاكها تحت التهديد بسلاح أبيض وحاولات غير تبعو باش ترجع صاكها اللي فيه متعلقات شخصية ديالها، لكن المحققين علنو في وقت لاحق، أنه لم يتم العثور على سكين مع الضحية.