وكالات //

خلاف عائلي فـمصر تحوّل لكارثة دموية، منين قامت مرا وطعنات راجلها حتى مات، غير بسبب مشكل على شكون يشحن التليفون اللول.
الواقعة وقعات فمدينة 6 أكتوبر فمحافظة الجيزة، وخلفات صدمة كبيرة وسط الساكنة.
وحسب مصادر أمنية وقضائية، الخلاف بدا ملي تبيّن للزوجين باللي بطاريات تليفوناتهم قرّبات تسالي، وبدات مناقشة على شكون يستعمل الشاحن اللول، ولكن النقاش تطوّر بسرعة من هضرة غير كلامية لعراك جسدي.
الشرطة المصرية توصلات ببلاغ على شجار عنيف داخل شي شقة سكنية، وملي مشات فرقة أمنية لعين المكان، لقاو الراجل، وعندو 40 عام، ميت داخل بيت النعاس، ومصاب بطعنة قاتلة.