وكالات //

قالت شركة أبل أنها غادي توقف تبيع جوج دالساعات سمارت هما “سيريز9″ و”ألترا2” في ميريكان بداية من السيمانة الجاية، بسبب واحد البراءة ديال الاختراع عندها علاقة باستشعار مستوى الأكسجين ف الدم.

هاد القرار جا بعدما صدر في أكتوبر لي فات أمر من لجنة التجارة الدولية الميريكانية يقدر يمنع أبل من البيع د هاد جوج سوايع حينت لقات أنها يمكن كتنتاهك حقوق الملكية الفكرية ديال شركة التكنولوجيا الطبية ماسيمو.

دابا خاص الشركة ترد قبل 25 ف هاد الشهر، ولكنها واعدات الناس أنها غادي تتصرف وتلقى حل في أقرب الأوقات..

الشركة علنات على أنها غادي توقف البيع على السيت ديالها بداية من 21 ديسمبر وف المحالات ديالها بداية من 24 من نفس الشهر.