الرئيسية > آش واقع > بسباب خرق حالة الطوارئ الصحية.. بوليس السعيدية شدو 25 شخص وسط قهوة ديال الشيشا 
30/07/2021 10:20 آش واقع

بسباب خرق حالة الطوارئ الصحية.. بوليس السعيدية شدو 25 شخص وسط قهوة ديال الشيشا 

بسباب خرق حالة الطوارئ الصحية.. بوليس السعيدية شدو 25 شخص وسط قهوة ديال الشيشا 

كمال لمريني – كود وجدة //

قرقبو بوليس السعيدية، أخيرا، على 25 شخص كانوا كَالسين في قهوة ديال الشيشة على كورنيش المدينة، في وقت متأخر، بعدما قام صاحب المحل بخرق حالة الطوارئ الصحية، وخدم سرا في تحد صارخ لقرار السلطات العمومية.

وذكرت مصادر لـ”كَود”، أن الموقوفين، و من بينهم بنات، كانوا عاطينها للمخدرات وكايضربو الطاسة في حدود الساعة 2 ديال صباح، وفي خرق لحظر التجول الليلي و للإجراءات الاحترازية ضد انتشار فيروس كورونا، في حين قاموا البوليس بحجز كمية كبيرة من المواد المستعملة في تدخين الشيشة و لقراعي ديال الويسكي، فضلا عن كمية من المخدرات.

وأفادت المصادر ذاتها، أن صاحب المحل مابغاش يسد فـ الوقت المحدد اللي هو 11 ديال الليل وبقا خدام حتى للصباح، غير أن تبركَيكَة وصلات للبوليس خلاتهم يتدخلو بناء على تعليمات النيابة العامة المختصة.

وحسب نفس المصادر، فتحات المصالح الأمنية بحث قضائي للوقوف على ملابسات هذ القضية، في حين قامت بتحرير محضر وبعدها تم إغلاق المقهى بشكل مؤقت في انتظار صدور قرار نهائي للسلطات الإقليمية بشأنها، فيما تم إحالة الموقوفين على العدالة.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم